GÆÐI OG UMHVERFISSTEFNA

Gæði og umhverfið eru okkur mikilvæg. Við viljum bjóða hágæða vörur, gera framleiðsluferla eins sjálfbæra og mögulegt er og einbeita okkur að þeirri þjónustu og eftirfylgni sem við veitum viðskiptavinum okkar.

Meðal annars er Omega 3 olían sem við notum í vörur okkar unnin úr hágæða norsku lýsi og bæði við og norski framleiðandinn erum vottuð sem „Friend of the Sea“ sem þýðir að fyrirtækin verða að uppfylla ákveðnar kröfur sem settar eru um sjálfbæra framleiðslu. Nánari upplýsingar hér: www.epax.com og www.friendofthesea.org

Fæðubótarefnin eru framleidd fyrir okkar hönd í ESB og við sjáum um innpökkun og mat á gæðaferlum í Noregi. Við sendum reglulega sýni til rannsóknarstofunnar ALS Laboratory group Norway AS til að tryggja gæði varnings okkar. Umbúðir okkar eru framleiddar í Noregi og ESB. Umbúðirnar ætti að endurvinna sem pappa- og plastumbúðir.

Við erum að reyna að draga úr plastnotkun en það er ekki auðvelt að sleppa því alveg vegna þess að plast býr yfir mörgum gagnlegum eiginleikum, sérstaklega þegar kemur að matvælaframleiðslu og innpökkun.

Það eru strangar kröfur um matvælaframleiðslu og geymslu næringarefna í formi fæðubótarefna og framleiðendum okkar hefur ekki tekist að koma með fullnægjandi valkost í stað plastfilmunnar sem dagsskammtinum er pakkað í. Við erum að vinna að því að finna hentugan valkost og erum að gera allt sem við getum til að draga úr plastnotkun í framleiðslu okkar. Þar til við finnum aðra lausn, vinsamlegast passaðu upp á að endurvinna pokann alltaf sem plastumbúðir.

Varan okkar inniheldur 30 poka sem hver inniheldur dagskammt af vítamínum, steinefnum og Omega 3. Það kann að hljóma eins og mikið af plasti en mánaðar kassi (30 pokar) inniheldur aðeins 14 grömm af plasti sem er 50-70% minna plast en er notað í venjulegu vítamíníláti. Ofan á þetta kemur vítamínpakkinn okkar í staðinn fyrir mörg stök vítamín-, steinefna- og Omega 3 ílát.